جميع المواد

Calculus 1 ( التفاضل والتكامل 1) 🤍🔥 أو زي ما بتحكولها أيام المدرسة الرياضيات المادة جدًّا ممتعة وبتشبه كثير مادة التوجيهي العلمي تحديدًا، مع شوية إضافات المادة بدها حل كثير✔️ بدها دراسة أوّل بأول ومتابعة ✔️ وبدها حلّ أسئلة سنوات سابقة؛ لحتى تهيؤوا حالكم لنمط الأسئلة ✔️ # أشهر دوسية الي معظم الطلاب بتميل لألها كمصدر معتمد للمادة captain Calculus للمهندس العبادة الهباهبة ☑️ ✅ من اكثر المواد يلي بواجه فيها الطلاب صعوبة خصوصاً إذا كان طالب زراعة وبالتوجيهي ما كان تخصصه علمي ✅الكالكولاس = ممارسة و حب إذا مارستو وكنت بتّبع مع الدكتور وبتركز وبتكتب وراه. ✅وهاي أهم النقطة الي منها حتفهم المادة وتحبها اذا طبقتهم 🔑المفتاح الأول 🔑 الكتابة ورا الدكتور بدفترك الخاص والممارسة لنفس الأمثلة بس ترجع عالبيت، بعدين الكتاب وكثير في أمثلة مهمة. حاول بكل جزء بيعطيه الدكتور، وبعد ما مارست أمثلة الدكتور، تجرب بأمثلة الكتاب، وقتها حتنط ع مستوى أعلى من الممارسة وهو الإبداع بالفهم 🔑 المفتاح الثاني 🔑 أسئلة الكتاب و أكيد في اسئلة ما حتقدر تحلها وتستصعب فهمها ، لهيك بدك ترجع للدكتور أول بأول عكل مثال ، أو تستعين بصديقك القطاعة . 🔑المفتاح الثالث 🔑 فهم الاسئلة الصعبة 🔑 المفتاح الأخير 🔑 وهو اللجوء للملخصات والدفاتر وهيك بنقدر نحكيلك بطريقك لل A يا قطاعة 🔧 ✅ الكالكولاس سهلة إذا مشيت صح 👆 وصعبة إذا اتراكمت ال أ فيها بآخر ال ٨٠. بالتوفيق🤚

كالكولاس ٢ || 📐 من المتطلبات الإجبارية لتخصص الأراضي 🌍 متطلبها السابق كالكولاس ١ شو بتفرق كالكولاس ٢ عن ١ ؟ انه بهاي المادة قد ما بتحفظ قد ما رح تجيب ! 😂☝️ و أسهل من كالكولاس ١ بكتير 🏃 فيها عن التكامل ، حساب الحجوم و المساحة ، المتتاليات و المتسلسلات ، المادة كبيرة شوي 🤦 و بدها جهد و دراسة اول بأول 🙋 ،، وعشان الواحد يضمن علامة منيحة احسن اشي للدراسة دفتر الدكتور مع حل اسئلة سنوات كتير كتير ، و دوسية كريم منيحة كمان + فيديوهات إبراهيم عكة منيحة للفهم. توزيع العلامات 30 فيرست 30 سكند 40 فاينل

الكيمياء العامة(1) مادة مشتركة مع أكثر من تخصص وما بتفرق معلوماتها عن معلومات المدرسة الا شوي، تتناول هذه المادة القياس والأرقام المعنوية، والتفاعلات الكيميائية، والحسابات الكيميائية، والحالة الغازية، والكيمياء الحرارية، والتركيب الإلكتروني والدورية، والروابط الكيميائية، وأشكال الجزيئات، وحالات المادة وقوى التجاذب بين الجزيئات.

الكيمياء العامة ٢ الكيمياء العامة 2 تتناول هذه المادة : الخصائص الفيزيائية للمحاليل ، حركيات التفاعلات الكيميائية، الاتزان الكيميائي، الحوامض والقواعد، اتزان الحوامض والقواعد في المحاليل المائية، الذائبية واتزان الأيونات المعقدة، الثيرموديناميكا الكيميائية ، الكيمياء الكهربائية .

الكيمياء العضوية:💊 تدرس بنية وخواص وتفاعلات المركبات والمواد العضوية، أي المواد التي تحتوي على عنصر الكربون والهيدروجين ✨. المادة بتشبه مادة التوجيهي لكن على أوسع و بتفاصيل أكثر .. المادة بتحكي بشكل عام عن ( الهيدروكربونات الألفاتية و الأروماتية ،، سلاسل الهيدروكربونية و طريقة تسميتها..البنزين بجميع تسمياته و تفاعلاته وغيرهم..) المادة ممتعة كتير لكن بنفس الوقت دسمة و بتحتاج لمتابعة أول بأول🤓.. حاولو ما تضيعوا على حالكم أي محاضرة و أدرسوا المادة من الدفتر وأمثلة الكتاب و أهم شي أسئلة السنوات.. المادة تقسم إلى ثلاث إمتحانات:- فيرست(٣٠علامة) ،سكند (٣٠علامة)،فاينل(٤٠علامة). كل التوفيق ✌🏻🌸

الكيميا التحليلية⚗️🔬: هي مادة بتحكي عن تحليل المواد وطرق تحليلها و الاجهزة المستخدمة لتحليلها .. في البداية رح تحسوا انه المادة صعبة بس لقدام رح تتأقلمو معها 😅 المادة تعتمد على شرح الدكتور اولاً و على كثرة الحل و الإطلاع على جميع أفكار و أسئلة الكتاب ثانياً ..حاولو ما تتغيبو عن المحاضرة لانه اعتمادك حيكون بجزء كبير على الدكتور و لا تخلي المادة تضيع منك أو تتراكم عليك لانها زخمة شوي 🙌🏻.. المادة تقسم الى ثلاث امتحانات محوسبة( فيرست ٣٠ علامة، سكند ٣٠علامة وفاينل ٤٠ علامة ). المادة الها متطلب سابق و يلي هي كيمياء 2 ،وتعتبر مادة التحليلية إجباري تخصص ل التغذية و للأراضي ✨ بالتوفيق✌🏻🌸

.فيزياء 103 هي مادة من مواد سنه أولى و مهمة لانها بتفتح عدة مواد في خطط التخصصات الزراعية. من أبسط مواد العلوم بتحكي عن مواضيع اساسية بالفيزياء و أهمها: - الحركة بخط مستقيم بقوانين جدا مبسطة وسهلة. - الحركة في إتجاهين. -قوانين نيوتن الثلاثة. - انتقال الحرارة وقوانين الضغط والdiffusion. *كيف تتفوق في الفيزياء 103 الإنتباه على شرح الدكتور و المتابعة أول بأول و الإستعانة بالملخصات و حل أسئلة السنوات لأنها تتكرر كثيراً. بالتوفيق للجميع 🌸

العلوم الحياتية(Bio1)🔮: هي مادة متطلب كلية إجباري .. بعض التخصصات هاي المادة بتفتحلهم أغلب مواد الخطة . المادة مو صعبة إذا أعطيتوها حقها و درستها أول باول وما راكمتوها..بالبداية رح تستصعبوها شوي كونها بالإنجليزي بس لقدام رح تتعودوا وان شاء الله بتمشي اموركم معها😊👌🏻. المادة بتحكي عن 👈🏻- مكونات الخلية(الحيوانية و النباتية) -الأساس الكيميائي للحياة (المكونات غير العضوية للكائنات الحية- المكونات العضوية للكائنات الحية- التفاعلات الحيوية والإنزيمات)- الخلايا والأنسجة: (التركيب والوظائف)- التنوع الحيوي - الأيض وشؤون الطاقة الحيوية (البناء الضوئي: تثبيت الطاقة الشمسية- بناء الجزيئات الحيوية الكبيرة وتخزين الطاقة- تحليل الجزيئات الحيوية الكبيرة وانطلاق الطاقة) -الطرق الوراثية الأساسية. المادة تقسم إلى ثلاث إمتحانات محوسبة ( فيرست ٣٠ علامة) ، (سكند ٣٠علامة)،(فاينل ٤٠ علامة) أهم طريقة لدراسة المادة هي دراستها أول بأول و محاولة فهمها .. واهم شي لا تحفظ الحكي حفظ بدون ما تفهمه👀 أدرسوا المادة من تلخيص الدكتور وفِي احيانا بعض الملازم يلي بتسهل على الطالب دراسة المادة .

من اكبر و ازخم المواد بالتخصص 💔 احسن مصدر دراسة الها الكتاب .. و في دوسية لجان الدفعات و دوسية زين فيهم نفس حكي الكتاب بس كل واحد بطريقة عرض مختلفة .. بتكون فيرست 5 تشابتر (30 علامة) سكند 5 تشابتر(30 علامة) فاينل 3 تشابتر +مادة الفيرست+مادة السكند (40 علامة) بيعطيها دكتورين .. د عالية السيلاوي / د وليد غرايبة المادة بتعتمد على الجهد الشخصي 100٪؜ .. لازم تدرسها اول باول عشان تقدر لوقت الامتحان تكون دارس كل التشابترز بالتفصيل لانو الامتحان بيجي دقيق 🌚 و بالتوفيق للجميع 🌸