يمكن بتفكر حاليًا: اااه هو نفسه تخصص التغذية؟ بس قبل ما تفكر خلينا نشرحلك عن التخصص أكثر😌
زمان كان عنا تخصص واحد بجمع التغذية والتصنيع الغذائي، بس انفصلوا وصار عنا تخصصين! الأول تغذية الإنسان والحميات والثاني علم وتكنولوجيا الغذاء.
بدك تعرف الفرق بينهم؟ كمّل كمّل معنا ⬇️
بتخصصنا-علم وتكنولوجيا الغذاء أو التصنيع الغذائي-بندرس التركيبات الحيوية والفيزيائية والكيميائية للغذاء 🧪 والأسباب الرئيسية لفساد الأطعمة حتى نمنعها.. وبندرس كمان طرق تحليل وتخزين وحفظ الأغذية.🫙
وبنهتم جدًا بدراسة صحة وسلامة الأغذية وضبط جودتها حتى يوصلك أكل سليم ما يسببلك أي حساسية أو مرض لا سمح الله😌
نروح للسؤال اللي بتستنوه: شو الفرق بين التغذية والتصنيع؟🤔
بفكرة مبسطة ممكن نحكيلكم أنه التصنيع بهتم بدراسة الغذاء من لما ناخذه كمادة خام وحتى يوصل للمستهلك بأمان وسلام🤝 والتغذية بتهتم بدراسة الغذاء لما يدخل جوا جسم الإنسان.
🔸عدد ساعات التخصص 138 ساعة، أول فصلين من مسيرتكم الجامعية بهاد تخصص رح تاخذو مواد علمية زي الكيمياء والأحياء والفيزياء والكالكولاس، بعدين تدخلوا ع جنة الجامعة "الزراعة"
🔸سعر الساعة:
تنافس: 35
موازي: 85
🔸معدلات السنة الماضية:
تنافس: 93.10
موازي: 65
🔸مجالات العمل بالتخصص كتير ومنها:
1- إنتاج الأغذية في المصانع.
2- مراقب ضبط جودة (مطاعم، فنادق، مطار).
3- مؤسسة الغذاء والدواء.
4- مؤسسة المواصفات والمقاييس.
والتخصص كتير حلو وفيه لابات-مواد عملية-بشكل كبير، بس بدك تتعب ع حالك عشان تقدر تبدع أكثر وأكثر معنا👏🏼
