مواد قسم البستنة و تنسيق المواقع

مبادئ الإنتاج النباتي 🌱 ماده إجباري كلية، المتطلب السابق هو العلوم الحياتية، و هي من المواد الأساسية والمهمة لتخصص البستنة والمحاصيل.. واللي تعتبر مفتاح الخطة كاملة 🔑 المادة بتحكي عن المبادئ الأساسية الي لازم يعرفها أي طالب زراعه عن النباتات 👩🏻‍🌾👨🏻‍🌾 من ناحية تركيب النبات الداخلي والخارجي، و من ناحية إنبات النبات وطرقه المختلفه، وكمان العمليات الحيوية وعمليات الأيض التي بتصير جوا النبات، و العوامل البيئية اللي بتساهم بنمو النبات مثل (التربة، ضوء الشمس، درجات الحرارة، الماء)، بالإضافة للمصطلحات الزراعية و تصنيفات النباتات وأسس تسميتها 🏷🌳 بعطيها أكثر من دكتور "د. جمال عياد، د. عايد العبداللات، د. مهند العكش، د.هاني الصعوب، د.محمود القصراوي، د.عمر الكفاوين .... امتحاناتها محوسبة بالستيودنت، وفيها 30 فيرست 30 سكند و40 فاينل

فسيولوجيا المحاصيل || متطلبها السابق مبادئ الإنتاج النباتي، هي بمستوى سنة تالتة.. 👌🏻عدد ساعاتها 3 من أحلى وأفخم مواد التخصص وهي اللي حقيقةً بتعطينا معنى التخصص.. إجباري للبستنة واللاندسكيب 😋💜 بيعطيها د.جمال عياد ، دكتور محاضرته كتير حلوة وبيعطيها بطريقة حيوية كتير، بيهتم بالطالب وبحب الطالب اللي بيهتم بالمادة وبيعطيها حقها وبحب النظام كتير وبياخد حضور وغياب 🔫 فيها لاب ضمني، عددهم 8 لابات، اول 4 لابات فيهم امتحان الميد وتاني 4 لابات فيهم امتحان الفاينل وفي لكل لاب ريبورت لازم نسلمه باللاب اللي بعديه، الريبورت لازم ينكتب بطريقة علمية بيحكيلنا عنها الدكتور بأول محاضرات المادة 📝 كلمة الفسيولوجي بتعني علم وظائف الأعضاء ولهيك بتهتم المادة بتفاصيل النبات من جوا، كيف سستم العمل الداخلي للنبتة، عملية البناء الضوئي وعملية التنفس الخلوي وأهمية الماء بالنبتة والعناصر اللي بيحتاجها النبات بشكل عام 🌵🌾 توزيعة العلامات، 30 ميد 10 ميد لاب 10 ريبورتات 10 فاينل لاب 40 فاينل

علم الخضراوات || متطلبها السابق مبادئ الإنتاج النباتي، مستواها تانية تالتة، بيعطيها الدكتور عزمي أبو ريان والدكتور حمود الدبغي .. المادة بتحكي عن عائلات وأنواع العائلات الخضرية، كيف نزرعها وأي ظروف بتلائمها، وفيها لاب ضمني بنزرع ببدايته ك مجموعات ومنتابعها خلال الفصل.. 😎✌🏻 وباللاب بنحتاج لدفتر بنجيبه من عند إيمان، بنرسم عليه بكل لاب أنواع الخضراوات اللي شفناها، بنرسم الورقة والساق والزهرة وعليه 10 علامات بآخر الفصل.. 🌾 العلامات، فيرست 20 سكند 20 ميد لاب 10 دفتر الخضراوات 10 و40 فاينل 🍆

مادة وراثة النبات || متطلبها السابق بيو، وهي مادة سهلة ومستواها سنة أولى.. بيعطيها د. منذر الصدر ومرات بتنزل مع د. مهند العكش , دكتورمنذر كتير متعاون مع الطالب من ناحية البونص بالعلامات.. ع كل سؤال أو مشاركة بيعطي بونص وأحيانا ع عدد الحضور ازا كان الحضور قليل وهالشي بيشجعكم بإنكم تحضروا دائما 😜 المادة عبارة عن شرح لجينات وكروموسومات والطفرات اللي بتصير بالنبات، بتشبه مادة الأحياء بالتوجيهي خصوصا "مندل".. امتحاناتها بتيجي سهلة كتير لأنه الدكتور بينزل أسئلة شبيهة جدا باسئلة الامتحانات عالموقع مو محلولين وكل اللي عليكم تحلوهم من المادة او Google 😜 ونظام العلامات فيها 30 ميد وفاينل 40 و30 تقارير والبونص🍀

علم الحراج || إجباري تخصص للبستنة واللاندسكيب، ومتطلب السابق البيو.. عدد ساعاتها " ثلاث ساعات" بتهتم هالمادة بدراسه الأشجار الحرجيه والظروف التي تحتاجها وطرق إكثارها وكيف نعتني فيها 🌳 بيعطيها الدكتور يحيى عثمان نظام العلامات بيتوزع على اللاب والمادة النظرية، 20 علامة على اللاب.

مبادئ المكننة الزراعية || متطلبها السابق الفيزيا، وهي بمستوى تالتة.. 👌🏻 بيعطيها دكتورين د. عيسى قموه ود.بسام قرالة ⚙🔧 تعتبر من المواد الإجبارية للبستنة والوقاية والإنتاج الحيواني والإقتصاد والأراضي لأنها متطلب تدريب الغور وإختياري للاندسكيب.. المادة من أمتع وأصعب مواد الإجباريات، فيها بنحكي عن أنواع التركتورات وكلمة رح تتكرر ع مسامعكم بهالمادة هي the gear box واللي عنها رح ندرس كيف سستم الماتور بيشتغل وتفاصيل تانية بتتعلق بالميكانيك بس بطريقة زراعية 👨🏻‍🔧👩🏻‍🌾 امتحاناتهها سهلة للي دارس بس دقيقة جدا، وبتنعطى فيعل مجموعة وافية من الكويزات 🔫 العلامات 30 ميد 30 كويزات و40 فاينل ✌🏻

أساسيات أشجار الفاكهة || إجباري تخصص للبستنة والوقاية واللاندسكيب، بيعطيها د. أحمد عطية ومستواها سنة تانية ✌🏻 عدد ساعاتها 3 المادة سهلة بتحكي عن محاصيل أشجار الفاكهة🍒🍑🍓🍊🍓🥝 وأماكن تواجدها والظرف الملائمة لنموها ⛅️🌦 وعن مراحل نموها والعمليات الحيوية التي تمر بها النبتة وأنواع الهرمونات التي تؤثر ع النبات ولكن بشكل محدود وعن انواع التقليم 👩🏻‍🌾 وأنواع التكاثر بالنباتات 🌴 وكيف نصمم بستان ونحسب مساحة البستان والبعد بين الأشجار بطرق مختلفة 🍃 تقسيم العلامات 🤓 ميد 30 علامة مشروع عن انواع أشجار الفاكهة 30 علامة فاينل 40 علامة

إنتاج أشجار الفاكهة || أجباري تخصص لقسم البستنة والمحاصيل، متطلبها السابق أساسيات أشجار الفاكهة، مستواها تانية تالتة.. بيعطيها بالعادة د. نهاد و د.أحمد عطية.. بناخد فيها مجموعة من محاصيل الفاكهة، كيفية إنتاجها وزراعتها وتقسيم المحاصيل بأنواعها، طرق إكثارها وحصادها.. العلامات فيها.. 30 ميد و30 مشروع بيتضمن 65 محصول فاكهة، بيتوزع فيها طلاب الشعبة ع مجموعات بيدوروا عن هدول الأشجار ببحث مطول، وبآخر الفصل بيتم مناقشة المشروع مع الدكتور بس بدون تقديم بريزينتيشن 🥑🍉

اساسيات تصميم مواقع - دكتور مالك العجلوني من اسمها هالماده ، رح تعرف انها مدخل ل تخصصك 🌟 أكتر ماده لازم تكون فاهمها منيح و تعطيها جهدك هي هاي الماده عشان تكون بداية منيحه للتخصص. 📐📏📚 الدكتور بقسم الماده لقسمين ، ١-القسم النظري : بكون تقريبا ١٢ شابتر (ميد ٣٠ علامة ، فاينل 50 علامة (المشروع ٢٠ علامة) :🙄 •بنقسم المشروع ل ٦ خطوات (طبعا كل خطوه عليها شابتر كامل بشرحها و الموضوع ان شاء الله سهل و بسيط) : ١)لقاء العميل ٢)نكتب تفاصيل المشروع و كلفته ٣) ال base map ٤)خريطة تحليل الموقع ٥)الخريطه المفهوميه للموقع ٦) الخطه النهائية ( كل خطوه الها مدة اسبوع شغل و بتتسلم مع الخطوه الي قبلها) ودمتم سالمين ، سهل فيها ال A 😎💗

إنتاج بذور || متطلب اختياري تخصص متطلبها السابق "خضراوات وحقلية" مستواها سنه ثالثة، وبيعطيها دكتور منذر الصدر 👌🏻 المادة بتحكي عن البذرة بشكل عام وعن أجزائها، وأنواعها، وكيفية فحص البذور، ومعرفة حساب نسبة الpurity فيها.. 🥑 الدكتور منذر بهتم كثير بالحضور والغياب، كثير متعاون مع الطلاب وبساعدهم، بحيث كل الطلاب تفهم المادة، وكثير بهمه حل الواجبات وتسليم التقرير 📝 الدكتور بطلب مشروع وتقرير عليه 10 علامات.. 1️⃣0️⃣ والميد من 30، والفاينل 40 20 علامة على الأعمال الفصلية، واجبات وحضور وغياب..

الزراعة المحمية || متطلب إجباري تخصص، متطلبها السابق "خضراوات" المادة الوحيدة الي عدد ساعاتها "ساعتين" ✌🏻 مستواها سنه ثالثه، وبعطيها د. عزمي ابوريان 👌🏻 المادة بتحكي عن الزراعة المحمية في البيوت الزجاجية، وعن البيوت البلاستيكية وأنواع تانية من البيوت وعن الظروف الملائمة للمحاصيل الي بتنزرع داخلها 🌞☁ وعن الأنظمة الي ممكن تكون داخل البيت نظام ري ونظام تهوية ونظام تسميد 💧🌬 دكتور حمود من افضل دكاترة القسم، بهتم بالطالب، وبهتم كثير بالحضور والغياب لهيك ضروري إنكم تحضروا ✌🏻 وبعطي المادة بطريقة بتحبب الطلاب بالمادة 😇 نظام العلامات 30 ميد 40 فاينل 30 علامة أعمال فصلية

محاصيل صناعية || المادة اختياري تخصص للبستنة والمحاصيل، مستواها تقريبا تالتة رابعة ساعاتها(3) ، بتحكي عن أي شي ممكن ينعمل منه منتج صناعي وينباع.. 💰 بيشرحولنا كيف العمليات اللي بتصير لحد ما يوصللنا المنتج متل ما بنشتريه بالأسواق، من لما ينزرع المحصول بالأرض لحصاده لطريقة استخلاص الألياف او البذور أو أي شي ممكن نستفيد منه ممكن يتحول لمنتج مُصنَّع 😌👏🏻 بعض الأشياء اللي أخدنا عنها؛ القطن والكتان وعدة محاصيل ممكن إنها تتحول لملابس أو تدخل شوي بالمعدات والمواد الطبية 👕👚💊 وأخدنا برضه عن القهوة والشاي والكاكاو والسكر وكيف بنستخدمهم بحياتنا العملية اليومية ☕🍵 وكمان عن عدة محاصيل ممكن تتحول لزيوت، متل الصويا والذرة ودوار الشمس وغيرهم 🌻 المادة ممتعة بتنزل بالصيفي عند د. جمال، فيها عدة مجالات ف طبيعي تكون طويلة بس الدكتور بحببك فيها لانه بيعطيها بعلم واسع شامل وبطريقة كتير مرتبة ومنظمة 🌾😎 تقسيمة العلامات 🙅🏻 30 ميد 20 كويزات 10 برزنتيشن 40 فاينل