مواد تخصص الإنتاج الحيواني

الإنتاج الحيواني من الطف المواد الي رح تاخدهم بالكليه مستوى سنه أولى فصل تاني او صيفي كتير ممتعه ودكاترة هالماده بالذات الدكاترة الي بيعطو المادة اسلوبهم حلو وشرحهم ممتاز ، الماده فيرست 30 وسكند 30 والفاينل 40 . الماده بشكل عام بتحكي عن سلالات الحيوانات انواعهم واسمائهم ومنتجاتهم وكيف نحسب كمية إنتاجهم( من البيض والحليب والصوف واللحم، الخ...) وتشريحهم (هاد الشابتر اهم وأصعب شابتر لازم تميز الاجهزه التناسليه والهضميه للحيوانات والأسئلة عليهم بتجي رسمات وضع دائره ).. بس ال A مش صعبه ابداً بهاي الماده ⭐

إنتاج الأغنام : إجباري تخصص (3) ساعات، بتنزل عند د. حسام التيتي على الفصل الأول، وعلى الثاني عند د. محمد الطباع. في المادة بندرس عن سلالات الأغنام العربية 🐑، والأساسيات والعوامل الوراثية للتربية والانتخاب والتزاوج، وإدارة وتأسيس الحظائر، وتغذية الأغنام وعمل الخلطات العلفية. مع الدكتور حسام رح نوخد عدد كبير من الواجبات اللي بتتناول وبتتوسع بمواضيع مش موجودة داخل المادة. توزيع العلامات: 20 واجبات، 15 فيرست، 15 سكند، 50 فاينل.

مادة التحسين الوراثي مادة تخصص اجباري 3 ساعات كتيير سهلة وبيعطيها الدكتور محمد الطباع . المادة بشكل عام بتحكي عن طرق التزاوج في الحيوانات وطرق التحسين الوراثي المتبعة وفيها شوية حسابات بس سهلة وبسيطة ومواضيعها سهلة وحتى الامتحانات بتيجي سهلة وكلها ضع دائرة ومباشرة. المادة فيها لاب ضمني بس بالفصل كلو لاب او لابين بالكتير مناخدوا من اسهل مواد الاجباري وكتير سهل ينجاب فيها A 💙 بالتوفيق للجميع 🌸

مادة انتاج حيوانات اللحم 🍣🍖🍗🍡🍔 مادة تخصص اختيارية 3 ساعات ... من المواد السهلة بس الطويلة ، ع الاغلب دائما بتنزل صيفي والمادة كتير حلوة ومشوقة وخصوصا مع الدكتور الرائع حسام التيتي. بتحكي المادة عن حيوانات اللحم وكيف بيتم اختيارهم وطرق تزاوجهم وبتعرفنا اكتر عن طرق قياس كمية اللحم ع الحيوان وهو عايش وهو ميت ، وعن تصنيف نوعية وجودة اللحمة تبعا لمقاييس معينة وفيها حسابات وكتير سهلة ... وبتعرفنا اكتر عن طرق الذبح بالمسالخ والخطوات المتبعة للذبح الحلال ومقارنتها مع الذبح في الاديان الاخرى واخر اشي عن تصنيف انواع اللحم تبعا لجودتها Abc. مع الالتزام بالواجبات والمتابعة سهل ينجاب فيها A. بالتوفيق للجميع 🌸

إدارة مزارع الدواجن 🐓🐓 من احلى واسهل مواد اختياري التخصص والي كتيير سهل ينجاب فيها A، و هي عبارة عن مراجعة لمادة انتاج الدواجن مع شوية اضافات بتزيد فهمنا لمزارع الدواجن وانظمتها والاشي الجديد بالمادة انها بتحكي عن انظمة عزل البيوت والمواد المستخدمة للعزل وفيها حسابات كتير سهلة ومفيدة. وبعد هيك بتعرفنا اكتر على البيوت المغلقة والمفتوحة والاحتياطات الواجب اتباعها عند التربية. بنتعرف كمان عن انظمة الاضاءة وكيفية الحفاظ على الامن الحيوي للمزارع وبنعرف بتفصيل اكتر عن الخلطة العلفية واضافاتها الحديثة وبالنهاية بتحكي عن السجلات الواجب توافرها بأي مزرعة ناجحة وعن ظاهرة الافتراس والقلش وبتعرفنا عليهم بالتفصيل. بالتوفيق للجميع 🌸

إنتاج الدواجن 🐣🐤🐓 متطلب تخصص اجباري 3ساعات ومن احلى المواد الي رح تاخدوها بالتخصص وخصوصا مع دكتورة هناء والدكتور انس عبدالقادر ... المادة مع لابها الضمني شوي طويلة بس جد كتير ممتعة اذا بتضلوا متبعين و بتحكي عن الدجاج بشكل خاص وبتعرفنا على مختلف الاجهزة بجسم الدجاج (التنفسي ،الهضمي،العصبي ،الاخراجي ،والتناسلي) وبتعرفنا على انواع السلالات ومبادئ اساسية بالخلطة العلفية وكيفية تسويق البيض. المادة الها لاب ضمني صفر ساعة بيعطيه المهندس احمد سويد و هي مادة مساندة بتعرفنا عن بيوت الدجاج وانظمة المشارب والمعالف والتدفئة والتهوية وعن عمليات تعقيم البيت والتحضير لاستقبال القطيع وفيها شوية حسابات عن نسبة التفقيس وبرامج الاضاءة وكمان عن كيفية صناعة العلف وتحضيروا والاجرائات الي بتتبعها المسالخ عند الذبح. المادة ممتعة جدا وسهلة اذا تابعتوها اول بأول وسهل كتير تنزل A بالتوفيق للجميع 🌸

تحليل الأعلاف: إجباري تخصص (2) ساعات ، الساعات الأسبوعية (1) ساعة نظري و(3) ساعات عملي ، متطلب سابق أعلاف وتغذية الحيوان ، بتنزل عند الدكتور حسام التيتي على الفصل الصيفي. في المادة بندرس عن التحليل التقريبي للأعلاف 📊🌾: الرطوبة والبروتين الخام والدهن الخام والمواد الكربوهيدراتية والألياف الخام والرماد وتحليل فان سوست ومعامل الهضم

فسيولوجيا بيئة حيوانات المزرعة (الاجباري) من أسهل مواد القسم فيها لاب ضمني مدته 3 ساعات متطلبها السابق مبادئ الانتاج حيواني الفصل الأول بتنزل عند د.مهند أبو عجمية و ع الثاني بتنزل عند د.عبد الرحمن فطافطة و اللاب مع المهندسة زينب محاسنة بتنقسم العلامات لفيرست 15 سكند 15 كويزات و واجبات 10 و فاينال لاب 20 فاينال المادة 40 بتحكي عن بيئة الحيوان و خصوصا الحرارة (heat stress )كيف بتأثر ع الانتاج و ع العمليات الحيوية داخل جسم الحيوان الA فوق ال87 دراستها من سلايدات الدكتور و النوتس

صحة الحيوان اجباري تخصص (3 ساعات) متطلبها السابق مبادئ الانتاج الحيواني بتنزل ع الفصل الأول عند د.فراس هياجنة المادة بتحكي عن امراض الحيوانات الفيروسية و البكتيرية ..و عن أمراض Zoonotic (امراض بتنتقل من الحيوان للإنسان ) توزيع العلامات :فيرست سكند فاينال بريزينتيشن كويز و مشاركة الA فوق ال84 دراسة المادة من سلايدات الدكتور و النوتس

إدارة مزارع أبقار الحليب اجباري تخصص (3 ساعات ) متطلبها السابق انتاج أبقار الحليب بتنزل ع الفصل الأول عند د.مفيد النمر المادة بتحكي عن كيف تكون مدير لمزرعة أبقار و كيف تهتم في الأبقار من حيث ال Housing و المعالف المشارب ، المحلب ،الغذاء ...الخ و في رحلة علمية علی مزرعتين أبقار توزيع العلامات:فيرست سكند فاينال ريبورت للرحلة و ريبورت عن أي موضوع في المادة ال A فوق ال83

أعلاف و تغذية الحيوان اجباري تخصص (3ساعات) متطلبها السابق مبادئ الانتاج الحيواني المادة بتنزل ع الفصل الأول عند د.ربيع ارشيد المادة بتحكي عن المجموعات الغذائية (كاربوهايدرات ،بروتين ،ليبد،فيتامينات و المعادن )و عن الانزيمات و كيفية عملهم و بعض عمليات الأيض توزيع العلامات:فيرست سكند فاينال كويزات و واجبات الA فوق83 و الدكتور كثير منيح و بدعم و بعطي العلامة للطالب اللي بستحقها دراسة المادة أول بأول و ما تخلوها تتراكم حتی تضمنو علامة عالية

انتاج حيواني في المناطق الحارة اختياري تخصص(3 ساعات) متطلبها السابق مبادئ الانتاج الحيواني بتنزل ع الفص الأول مع د.عبد الرحمن فطافطة و ع الثاني مع د.مهند أبو عجمية المادة بتشبه فسيولوجيا بيئة الاجباري عن ال (heat stress) امتحاناتها فيرست سكند فاينال الA تقريبا فوق ال82