مواد تخصص الإقتصاد الزراعي

مبادئ الاقتصاد الزراعي 💵📊 حجر الأساس لتخصصنا والمادة يلي بتفتح خطتنا.. المادة كمدخل لعلم الاقتصاد واساسياته، بتركز على المفاھیم الاقتصادیة يلي بتتعلق باستخدام الموارد، وتحدید الأسعار، وتعظیم الأرباح بعدين بتدخل بالمجال الزراعي.. المادة فيها علاقات وجداول وقوانين نحل عليها بدها فهم وحفظ وسهل تحصل علامة منيحة. المادة بيعطيها د. محمد طبية و د. تالا كطالب اقتصاد يفضل عند د. تالا. بتركز على طلاب الاقتصاد لأنه هاي مادة تأسيسية. طلاب التخصصات التانية بتقدروا تنزلوها مع اي دكتور عادي..

الإحصاء الزراعي من المواد يلي بترجعلك ذكريات صف خامس 😁 الوسط والوسيط والمنوال والجداول التكرارية بس هلا حتكون بطريقة موسعه شوي يعني طرق عرض البيانات فحتاخد فرضيات ونظريات وكمان اختبارات t و z وf ومربع كاي والارتباط والنحدار البسيط🙆 بيعطي المادة د. عامر بطريقة رهيبة جدا و د.محمد طبية و د.اماني و بتاخدها بالعربي مع د. دوخي.

الارشاد الزراعي المادة يلي ماإلها متطلب سابق ومن متطلبات التخصص الإجبارية واختيارية لتخصصات تانية.. كاقتصاد مهم ناخدها بالسنة الأولى او التانية لأنها بتفتح متطلبات التخصص الاختيارية زي التنمية الريفية وادارة المخاطر واساليب الاتصال ونقل التكنولوجيا. المادة جدا سهلة هي مدخل للزراعه تقريبا بتوعينا على دور المرشد الزراعي وأهم الاشياء يلي لازم يكون عارفها مشان يقدر يساعد المزارعين.. المادة حفظ ومش صعبه 🙆 بتعطيها المهندسة حسنية كتير منيحة وبتجيب من الأشياء يلي بتشرحها وبتركز عليها فالمحاضرة مرات بيعطي المادة د. دوخي نفس المبدأ.

التسويق الزراعي مادة سنة تانية اجباري تخصص للاقتصاد واختياري لبعض التخصصات التانية متطلبها السابق مبادئ اقتصاد.. المادة مهمة بحياتنا 🙊 كل حد بحاجة ليسوق منتجاته واشياؤه او حتى أفكاره.. بتحكي المادة عن السلع والخدمات من بداية التفكير بانتاجها لحتى نوصلها للمستهلك بصورتها النهائية، بتوضح وظائف التسویق للمنتجات الزراعیة الطازجة والمصنعة، طرق تحدید الأسعار، تقدیر الھوامش التسویقیة، القنوات التسویقیة، العوامل المؤثرة على الأسعار والقنوات التسویقیة والبیئة التسویقیة، مؤسسات التسویق، وطرق إجراء الدراسات التسویقیة.. المادة حلوة بس طويلة وبدها حفظ وفهم في بأخرها حل بسيط على المسالك والهوامش التسويقية.. بيعطيها د. محمد مجدلاوي مرات بيطلب مشروع بسيط ومرات لأ🙆 أسئلته بدها دراسة و بيجيب من شرحه دايما فلازم نكتب ملاحظات بالمحاضرة ..✋

التجارة الدولية الزراعية مادة خفيفة لطيفة لسنة 3 متطلبها السابق اقتصاد كلي وهي بالخطة ساعتين ، سهلة نوعا ما فيها جزء حسابات و جزء حفظ وجزء رسوم بيانية بتعطيك معلومات عن التجارة بشكل عام والسياسات الحكومية متل الضرائب الجمركية وغيرها وكيف بتاثر بالاقتصاد الدولي، منفعة المستهلك ومنفعة المنتج والمنفعة الكلية للدولة حسب اي نوع من السياسات الي بتتبعها ،والميز المطلقة والنسبية حسب المنتجات ، وبنتعرف على نظريات ادم سميث وريكاردو 🙊😹،، مطلوب تعمل برزنتيشن اخر الفصل والأسئلة بتيجي سهلة بتساعدك اسئلة السنوات تحصل علامة عالية خصوصا المادة سهلة كتير وبيعطيها د. محمد طبية بالعادة 😸

التمويل والمحاسبة للأعمال الزراعية مادة سنة 3 متطلبها السابق إدارة مزارع.. مادة ممتعه جدا مش سهلة بس مش صعبة بتحكي عن طرق وإجراءات الحصول على التمویل واستخدامه بشكل فعال في تشغیل المزرعة. بتركز على دور التمویل، والتخطیط المالي، وتحلیل القروض وتقییم الاستثمارات، نسبة الفائدة، الإدارة المالیة، والنظام المحاسبي للإدارة والتشغیل وتحلیل الأداء المالي لمنظمات الأعمال الزراعیة. يعني الاشياء يلي تعلمتها بالمزارع زي الميزانيات الجزئية والعمومية وقائمة الأرباح والخسائر،، حتشوف كيف حتقدر تستخدمها بالمحاسبة والتمويل.. المادة بيعطيها عادة د. طبية وشرحه كتير منيح وبيفهم.. وكمان د. مجدلاوي بيعطيها..

تحليل المشاريع للأعمال الزراعية مادة سنة 3 متطلبها السابق إدارة مزارع.. المادة يلي بتخليك تحس خلص انك قربت تتخرج 🌚 مش انها صعبه بس يعني بكون في مشروع لازم تقدمه وتناقشه زي السيمنار تقريبا بس المادة رهيبة جدا ازا اندرست صح،، المادة بتحكي عن تحدید التكالیف والمنافع سواء مع المشروع أوبدون المشروع، يعني بالآخر لازم تطلع عارف تحدد أنواع التكاليف : رأسمالية وتشغيلية والعائدات وقيمة الخردة حتى تقدر تطلع مجموعة من الأشياء زي القيمة الحاضرة ونسبة المنافع للتكاليف وكمان تحليل حساسية المشروع لرفع وانخفاض التكاليف والعائدات وتعمل مقارنة 🙆 المادة بيعطيها د. عماد ومرات د. مجدلاوي بيطلبونا مشروع بآخر المادة وممكن يكون في واجبات بتحلوها مع المهندسات.

الأمن الغذائي من متطلبات التخصص الاختيارية،متطلبها السابق اقتصاد كلي مادة مهمة بتخصصنا لانها بتشرحلنا الوضع الغذائي في بلدنا وبالوطن العربي وبالعالم وبتحكيلنا شوي عن النظريات والعلماء يلي ساهمو بتكوين تعريف الامن الغذائي وخصائصو وكمان فيها موضوع ببينلنا مفهوم وايجابيات وسلبيات التجارة الخارجية وتأثيرها عالامن الغذائي.. المادة بتعطيها المهندسة حسنية امتحاناتها سهلة يعني على قد ما بتحفظ على قد ما بتجيب وفيها مشروع صغير مش صعب.

ادارة مخاطر من متطلبات التخصص الاختيارية،متطلبها السابق ارشاد زراعي بس هي فعليا بتعتمد على الاحصاء في الحل وطبعا فيها حفظ كمان،، المادة بتحكي عن مصادر المخاطرة في الأعمال الزراعیة، نظریات المخاطرة التقلیدیة في الإنتاج الزراعي وإدارة المزرعة بتركز على مفھوم المخاطرة واللایقین وبتفيدك بتقييم المشروع من حيث المخاطرة واختيار المشروع الاقل خطورة ومن أهم المواضيع الي بتتناولها كمان التأمين الزراعي وأهميته.. المادة بتنزل مع الدكتور عماد وبتكون بالعربي وكتير طويلة المادة بس حفظ نقاط رئيسية وفي أسئلة سنوات الها. وبتنزل مع د. تالا بس بالانجليزي.

التنمية الريفية من متطلبات التخصص الاختيارية،متطلبها السابق ارشاد زراعي المادة بتحكي عن مفاھیم المجتمع والثقافة والتغیر الاجتماعي والریف والمجتمع الریفي والتنمیة الریفیة، الخصائص الاجتماعیة والثقافیة، مظاھر التخلف ومعوقات وحوافز التنمیة. نظریات التنمیة وأبعاد ومجالات التنمیة الریفي، ودور الإرشاد في ھذا المجال، إعداد وتنفیذ وتقییم برامج التنمیة الریفیة ومراجعة تجارب التنمیة الریفیة في الأردن.. المادة حفظ وسهلة والها أسئلة سنوات، بيعطيها د. دوخي

أساليب الاتصال ونقل التكنولوجيا من متطلبات التخصص الاختيارية،متطلبها السابق ارشاد زراعي المادة كتير حلوة ومفيدة بتحكي عن نشر المعلومات وعملیة تبني التقنیات الحدیثة، مفاھیم الاتصال، ومھارات الاتصال وأنماطھا، التعلیم الإرشادي الفردي والجماعي والطرق الجماھیریة ونقل التكنولوجیا للمستھدفین في الإرشاد، أنواعھا ومزایاھا وعیوبھا. النماذج النظریة لتطویر برامج الإرشاد، وتقییم احتیاجات المستھدفین، وتحلیل وتفسیر احتیاجات وأولویات البرامج، والموارد اللازمة لتصمیم وتنظیم وتنفیذ برامج الإرشاد والنشاطات التي تتضمنھا.. المادة بسيطة وبتستمتع فيها برضه فيها حفظ وبعطيها د. دوخي.

تعاونيات الأعمال الزراعية من متطلبات التخصص الاختيارية،متطلبها السابق ادارة اعمال زراعية 1 مادة خفيفة لطيفة بتحكي عن إدارة وتشغیل تعاونیات الأعمال الزراعیة، دور التعاونیات في التنمیة الزراعیة والریفیة ومساھمتھا في معالجة المشاكل الإنتاجیة والتسویقیة للمنتجات الزراعیة الخام والمصنعة. بتحكي عن المبادئ التعاونیة، مقارنة التعاونیات بأشكال العمل التجاري، أھداف التعاون وتصنیف التعاونیات وھیكلتھا ومصادر تمویلھا، خطوات تنظیمھا، وإدارة التعاونیات، وعوامل نجاحھا، ونشأة وتطور الحركة التعاونیة بشكل عام و الأردنیة بشكل خاص. المادة حفظ وسهلة وبتعطيها المهندسة فاطمة جدا لطيفة.