مواد قسم التغذية والتصنيع الغذائي

أساسيات علم التغذية 🍞🌽 || متطلب سابق بيو ١ + كيمياء ٢ مستوى سنة ثانية فصل أول المادة اساسية بتخصصنا وهي يلي بتفتحلنا باقي مواد التخصص ،عدد ساعات المادة ثلاث ساعات، المادة طويلة شوي لكن ممتعة وتعتبر أهم مادة بالتخصص ف لازم تكونوا مركزين بالشرح وتفهموا المادة منيح 💪🏻 المادة بتحكي عن العناصر الغذائية (كارب، بروتين، دهون، الماء والفيتامينات والمعادن) بشكل تفصيلي من وظائفها وأهميتها بالجسم ومصادرها واعراض نقصها وزيادتها بجسمنا وكم احتياجاتنا من كل مجموعة غذائية المادة بتعطيها غالبا دكتورة شذى حماد و د.هلا نوايسة و د.اسماء البكري و دكتورة تمارا الموسى و د.سلام حبيب

مبادئ علم الاغذية: 🍇 متطلب سابق كيميا ٢+ بيو ١ مستوى سنه ثانية، إجباري للتصنيع و إختياري للحميات، المادة ساعتين. المادة سهلة وأساسية، بتبلش المادة في أساسيات العناصر الغذائية، و تفصيل كل مجموعة غذائية؛ من كربوهيدرات و بروتينات و دهون و معادن و فيتامينات .. إلخ . و بتشمل على شرح بسيط عن علوم الأغذية يلي رح ياخدوها التصنيع فيما بعد من حفظ اغذية و تعبئة و تغليف و مواد مضافة. بيعطيها أكثر من دكتور و بتختلف من دكتور لاخر: دكتور خالد ودكتور باسم و دكتور ماهر و دكتورة غدير و دكتورة سلام حبيب

مقدمة في الحميات الغذائية 👩🏻‍🍳 || متطلب سابق أساسيات علم تغذية مستوى سنة ثانية المادة من أهم مواد التخصص بناخد فيها اساس تخطيط الحمية الغذائية والقواعد يلي لازم نتبعها حتى نكتب حمية للشخص الطبيعي والحامل والمرضعة وللأطفال. المادة جدا ممتعة بس الدكتور بيطلب واجبات كتيرة وبدها بحث بس بتفيدكم كتير وبتساعدكم بالتخصص لقدام المادة بالعادة بتنزل مع دكتور موسى دغش

غذية الإنسان والأيض || متطلب سابق اساسيات تغذية مستوى سنة تانية المادة مهمة جدا وبدها متابعة منيح المادة بتحكي عن العمليات الأيضية يلي بتصير بجسمنا وكيف بتعامل الجسم مع المواد يلي بتدخله وبتحكي عن مجموعة انزيمات وكيفية عملها وعن فسيولوجية الخلية وأهم التفاعلات الأيضية و عمليات انتاج الطاقة يلي مروا معكم ببيو ١ عملية ال glycolysis و krebs cycle بشكل تفصيلي و اخر شي عن التفاعلات بين الأغذية نفسها وبين الأعذية والأدوية. المادة بدها متابعة بس مو صعبة والدكتور بيطلب واجبات كتير بتفيدكم بفهم المادة المادة بتنزل مع دكتور موسى دغش

الأحياء الدقيقه العامة | Microbiology 🦠 متطلب سابق لاب بيو مستوى سنة ثانية المادة 4 ساعات مع لاب ضمني المادة حلوة جدا وممتعة مع دكتور حمزة القادري وبتحكي بشكل عام عن البكتيريا والظروف يلي بتأثر عليها من حرارة وحموضة ودرجة الملوحة وعوامل اخرى وظروف معيشتها اهم شي بالمادة انك تكتب نوتس مع الدكتور وتدرسهم لان بيجي منهم بالامتحان و لازم تضلك متابع أول بأول لانو المادة كبيرة المادة بالعادة بتنزل مع دكتور حمزة .

علم الأحياء الدقيقة للأغذية |Food microbiology: متطلب سابق مايكرو مستوى سنة ثالثة المادة ٣ ساعات مع لاب ضمني المادة حلوة جدا وممتعة مع دكتور حمزة القادري وبتحكي بشكل عام عن البكتيريا والظروف يلي بتأثر عليها من حرارة وحموضة ودرجة الملوحة وعوامل اخرى وظروف معيشتها اهم شي بالمادة انك تكتب نوتس مع الدكتور وتدرسهم لان بيجي منهم بالامتحان و لازم تضلك متابع أول بأول لانو المادة كبيرة المادة بالعادة بتنزل مع دكتورة غدير مهيار

فسيولوجيا 👥 أو علم وظائف الأعضاء || متطلب سابق بيو ٢ مستوى سنة ٢ / ٣ المادة مفيدة بتخصصنا وتعتبر متوسطة الصعوبة بتعتمد على كم بتعطيها وقت و جهد. المادة بتحكي عن اجهزة الجسم (الجهاز العصبي، الهضمي والتنفسي وعن القلب والعضلات) عن كيفية عملهم بالتفصيل. المادة بتنزل مع دكتور محمد أيوب وجديد مع دكتورة سلام حبيب

التقنات الحيوية للأغذية : 🎚🎛 مستوى سنة ٣/٤، إجباري تخصص للفود سينس و اختياري تخصص للحميات، ساعتين، متطلبها السابق مايكرو . بتحكي عن التقنيات الحديثة المستخدمة في التغذية و التصنيع الغذائي زي النانو تكنولوجي و ال recombinant DNA و غيرهم . و واحدة من أهدافها العديدة هي إني أخلي الغذاء أغنى بالعناصر الغذائية . المادة سهلة جداً فهمها و امتحاناتها زي كل امتحانات د.غدير مهيار ود. سلام حبيب عبارة عن كتابة الدفتر فركزوا معها منيح و أكتبوا كل شي .💪💪🍇

المواد المضافة للأغذية : أول المادة بتحكي عن تعريف المواد المضافة مدرس المادة د. محمد صالح ، عدد ساعاتها " ساعتين " ، متطلب السابق كيمياء 2 ،بتحكي عن الدراسات و التجارب الي بتنعمل على المادة قبل ما يسمحوا باستخدامها بالأغذية و نظام تسميتها . بعدين بتبلش تحكي بتفصيل أكتر عن المواد الحافظة والألوان و عن مضادات الأكسدة المستخدمة في الأغذية . هي مستوى سنة تانية . المادة بتغلّب بالدراسة شوي بس سهل ينجاب فيها علامة 😎⁦✌️⁩ امتحاناتها دوائر و T & F و توصيل.

تحليل الأغذية : 🍇🥕 متطلب سابق كيمياء تحليلية مستوى سنة ٣ / ٤ المادة بتحكي عن الطرق التحليلية للأغذية المختلفة يلي بتعمل على استخراج العناصر الغذائية الرئيسية من الأغذية مثل البروتينات والسكريات والدهون والمعادن وتعتبر مادة مهمة جدا لطلاب التصنيع الغذائي وتعاد المادة في التدريب. المادة بدها متابعة بشكل كبير وتكتبوا نوتس وتركزوا وتفهموا مع الدكتور . المادة بتنزل بالعادة مع دكتور خالد السماعيل ودكتور عبد سليحات

تحضير الأطعمة :🥗🍲 متطلب سابق اساسيات تغذية + مبادئ علم اغذية مستوى سنة ٢ / ٣ المادة ٣ ساعات مع لاب ضمني بتحكي عن الفواكه والخضروات وكيف بتأثروا بالحمض والقاعدة و الحرارة والظروف المحيطة المختلفة. وبتحكي عن اللحوم والبيض والمشروبات زي الشاي والقهوة وعن السكر الطبيعي زي الجلوكوز والفركتوز وسكر الكحول والسكاكر الصناعية . خلال اللاب بتحضروا اطعمة لتطبيق الظروف المختلفة على الأغذية بتعملوا بيتزا ومجدرة وكوكيز وغيرها 😋 المادة بتنزل بالعادة مع دكتور ماهر الدباس ودكتور باسم

كيمياء أغذية : المادة إجباري تخصص ٣ ساعات بدون لاب، بتنزل مع دكتور عايد عمرو و د.خالد اسماعيل ، بتشرح عن التركيب الكيميائي للعناصر الغذائية من كربوهيدرات وبروتينات ودهون وجزء منها بشرح عن الانزيمات واللحوم والحبوب والخضار والفواكه. المادة طويلة وكبيرة وبدها متابعة أول بأول وهي أساس للتخصص. متطلبها السابق كيمياء عضوية . نمط الامتحان بيجي دوائر و T&F و essay من ضمنه رسمات للمركبات و fill in the blank. والدكتور بجيب كتير من شرحه فلازم تكتب معه أول بأول.✌🏼