مواد تخصص الأراضي والمياه و البيئة

مبادئ الري || من المتطلبات الإجبارية لتخصص الأراضي و اختياري للبستنة و الوقاية و الحيواني و الاقتصاد متطلبها السابق كالكولاس ١ بتعطيها م.هلا الروابدة المادة بشكل عام حسابات و بتحكي عن انظمة الري و انواعها و شو النوع المناسب لكل محصول و كمان فيها كيف نحسب بعض الخصائص الي متعلقه بالتربه والمي زي الملوحة و الكثافة . توزيع العلامات 30 علامة ميد 30 كويزات و واجبات 40 فاينل

مبادئ التربة || من المتطلبات الإجبارية لتخصص الأراضي و البستنة و الوقاية و الحيواني و الاقتصاد متطلبها السابق كيمياء 101 و لاب كيمياء بعطيها م.اريج خريسات بكل الفصول م عدا بالصيفي د.جواد/ د.ايمن المادة بتحكي عن العوامل الي شكلت التربة و عن خصائصها الكيميائية و الفيزيائية و عن البيولوجية، و عن أنواع التربة وكل نوع شو خصائصه . المادة كبيرة شوي و بدها دراسة بس سهلة و ممتعة . توزيع العلامات 30 علامة ميد 15 كويزات 15 واجبات 40 فاينل

عملي التربة || من المتطلبات الإجبارية لتخصص الأراضي متطلبها المتزامن مبادئ تربة بتعطيها م.اريج خريسات المادة تطبيق عملي للأشياء الموجودة بمادة التربة زي حساب الكثافة الحقيقيه للتربه و أنواع التربه والفرق بينهم من حيث الخصائص و تطبيق عملي لعدة تجارب منها مثلا حساب ملوحة التربه و كم فيها تراكيز لبعض الايونات و وبنعرف فيها بعض الاجهزه الي بنجيب فيها خصائص التربه توزيع العلامات 30 علامة ميد 15 ريبورتات 15 كويز 40 فاينل

فيزياء التربة || 🌱 من المتطلبات الإجبارية لتخصص الأراضي 🌍 متطلبها السابق مبادئ الري 💧 المادة بتحكي بشكل عام عن الخصائص الفيزيائية التربة ( Texture , structure, heat , aeration ) و كمان عن طرق انتقال المواد في التربة ، أغلبها حفظ فيها نسبة حل و تقريبا الحل الي فيها بشبه الي موجود بمادة مبادئ التربة . المادة سهلة تقريبا يس بدها متابعة لانها كبيرة شوي و كمان معها لاب ضمني 🔬 بعطيها د.ايمن سليمان ☄ ال A كانت اخر مرة 85 . توزيع العلامات : 22 ميد 30 لاب ( ريبروتات + ميد لاب + فاينل لاب ) 20 كويزات و واجبات 28 فاينل

نظم معلومات بيئية 🗺 من المتطلبات الإختيارية لتخصص الأراضي 🌍 متطلبها السابق حاسوب ١٠٠ هي مادة عم دراسة الخرائط و تحليلها و رسم الخرائط لاهداف معينة مثلا خريطة عن انواع الترب في المملكة و برضه فيها عن عناصر الخريطة ومعها لاب ضمني بنشتغل فيه ع برنامج ال ArcGIS . بعطيها د.جواد البكري 🍃 المادة فيها ميد من ٣٠ و باقي العلامات موزعة بين بروجيكت للاب ، ريبورتات ، كويزات ، واجبات ، فاينل لاب ، وفاينل للمادة .

هيدروليكا التطبيقية || 📝 من المتطلبات الإجبارية لتخصص الأراضي 🌍 متطلبها السابق مبادئ الري 💧 الهيدروليك هو حركة المياه في الانابيب او القنوات المفتوحة ، المادة كلها حل ، فيها حسابات عن لزوجة المياه ، التوتر السطحي ، الضغط ، ضغط المياه في السدود ،ضغط المي الي بأثر على بوابة ، الخسائر الي بتصير بالانابيب و القنوات المفتوحة و فيها عن المضخات . بعطيها د.ميشيل راهبة او د.احمد ابو عواد بس اخر مرة اخر مرة اخدتها م.هلا روابدة ال A عندها 91 وكان توزيع العلامات : 30 ميد 30 منهم 15 امتحان و 15 واجبات و كويزات 40 فاينل

هيدرولوجيا || 💧 من المتطلبات الإجبارية لتخصص الأراضي 🌍 متطلبها السابق كالكولاس ٢ الهيدرولوجي هو علم الماء الي بنهتم فيه بالماء الي ممكن استخدمها ( بالزراعة ، الشرب ، الخ .. ) ، المادة بشكل عام فيها عن المياه السطحية وحسابات عن ال infiltration ، runoff ، و نسبة الرطوبة في الجو و فيها عن طرق حساب كمية الامطار في محطات الرصد ، و طرق انتقال بخار الماء لطبقات الجو . المادة عبارة عن ٩٠% حل ونسبة حفظ قليلة . بعطيها د.ميشيل راهبة 🙋 ال A بحدود ال ٨٦ تقريبا . توزيع العلامات 30 ميد 30 كويزات و واجبات 40 فاينل

انظمة الري و تصميمها 🔧 متطلب اجباري لتخصص الأراضي 🌍 متطلبها السابق هيدروليكيا التطبيقية المادة كلها حل ، حسابات ومعادلات و الامتحان بيجي كله هيك كمان ، بتحكي عم انظمة الري التلات ( الري بالرشاشات ، الري السطحي ، الري بالتنقيط ) وشو سلبيات و ايجابيات كل نظام و شو الظروف الي بتحكمني لاستعمل اي نظام من الانظمة . بعطيها د.احمد ابو عواد 💥 تقسيم العلامات : ٣٠ فيرست ٣٠ سكند ٤٠ فاينل

الاحياء الدقيقة في التربة 🦠 متطلب اجباري لتخصص الأراضي 🌍 متطلبها السابق مبادئ تربة المادة عن الكائنات الحية الدقيقة بدائية النواة و حقيقة النواة ( الباكتيريا ، النيماتود ، .. ) و اغلبها عن الاحياء الدقيقة بالتربة النافعة الي بتساعد على تثبيت العناصر الكبرى و الصغرى و الاسمدة بالتربة ، وفيها عن ادارة التربة بطريقة جيدة عشان م تتأثر الكائنات الدقيقة فيها سلباً . والمادة معها لاب ضمني بتعطيها د.جوان من الهاشمية . تقسيم العلامات ٢٠ فيرست ٢٠ سكند ٢٠ لاب ٤٠ فاينل

الكيمياء البيئية للتربة || 🏜 متطلب اجباري لتخصص الأراضي 🌍 متطلبها السابق كيمياء تحليلية المادة شوي صعبة و حتى ال A فيها شبه مستحيلة 🤦 و الدكتور بعطي ٣ واجبات بتكون معجزة ازا جبت فيهم ١٥ من ١٠٠ 😂🤝 فيها عن المي و مراحل المي و شو العمليات الي بتأثر عليها. بعطيها د.طالب ابو شرار تقسيم العلامات : ١٥ فيرست ١٥ سكند ٣٠ لاب ٤٠ فاينل

الاسمدة و خصوبة التربة || 🔅 متطلب اجباري لتخصص الأراضي و اختياري لتخصص البستنة و الوقاية كان بعطيها د.سيد بس تقاعد وحاليا نازلة مع د.طالب بس بشكل عام المادة بتحكي عن الاسمدة الاساسية و الثانوية وكيف كل سماد بمسك بالترب ( الطينية ، الرملية ، .. ) ، و كمان فيها انه عملية اضافة السماد م بتكون بشكل عشوائي بتكون عن طريق معادلات ، حسابات ،عمل تحليل للتربة لحتى اعرف شو نوع السماد الي بتحتاجه ، واعمل تحليل للحموضة و الملوحة في التربة ، و لازم اراعي نوع التربة لما أضيف السماد. المادة طويلة شوي و لازمها دراسة اول بأول و معها ضمني. 🔬