مختبرات العلوم

الكيمياء العامة العملية1 🌡: هي مادة مختبر (١ ساعة على الخطة الدراسية) يعني بس يوم بالأسبوع و تعتبر مادة تطبيقية لمادة كيمياء عامة ١ .. مواضيعها متقاربة جدا لمواضيع كيمياء عامة١ . المادة بتحكي عن الأساليب وأدوات القياس ، الحسابات الكيميائية ، الصيغة البدائية للأوكسيد، العامل المحدد، تحديد تركيز الأحماض ، سعة المعايرة ، الكتلة المولية وقانون هيس . طريقة دراسة المادة أنكم تحضرو التجربة بالبيت يعني (يعني تفهمو عن شو بتحكي المحاضرة الجاي) و تحلوا (البري-لاب) لانه علية علامات و تكون مركز مع الدكتور لما يشرح التجربة لانه بنهاية اللاب في تقرير لازم تحله و عليه علامات ولا تخاف كلها أشياء أساسية و رح تعرف تحلها بالاضافة لشرح الدكتور فرح تثبت المعلومة عندك😅✌🏻 ولازم تكون محضر حالك لانه احيانا ممكن يعطيكم الدكتور كويز ب موضوع المحاضرة السابقة.. الامتحان يقسم إلى ثلاث امتحانات محوسبة فيرست (٣٠علامة) ، سكند (٣٠علامة) ، وفاينل (٤٠ علامة) .. المادة بسيطة و مو صعبة وفقط عليك تفهمها و تدرسها من المانيوال و مع أسئلة سنوات .

متطلب كلية إجباري. متطلب سابق (فيزياء 103 ل طلبة علوم الحياة) تجارب بسيطة ب المختبر اخذ قياسات و حسابات لاب خفيف و لطيف و ممكن تجيب فيه علامة عالية إذا درسته صح. لاب فيزياء محسوب ب الخطة ساعة واحدة فقط، بس ع ارض الواقع مدة هذا لاب 3 ساعات و يوم واحد ب الأسبوع. 💠أفضل دكاترته ل لاب فيزياء: دكتور منيب شطناوي. دكتور يحيى الرماضين. أشياء راح تحتاجها ب المختبر : الآلة الحاسبة. 📟 دفتر الرسم البياني. 📊📉 منقلة و مسطرة. 📏📐 قلم الرصاص.✏️ أهم اشي مانيول لاب الفيزياء 103 بتقدر تجيبه من عند مستودع العلوم. 📗 📌ملاحظة :لاب الفيزياء لا يحتاج لاب كوت.

علوم الحياة العامة العملية ١ أو لاب البيو إجباري كلية مستوى سنة أولى فصل ثاني أو سنة ثانية لاب بنحسب ساعة وحدة بس زي كل اللابات هو ٣ ساعات و أحيانًا بس بتأخدوا ساعة و نص لأنه التجارب سهلة المختبر فيه تطبيقات عملية للبيو ١ عن استخدام الميكروسكوب و عمل العينات و العوامل المساعدة و الجينات و وراثة الـDNA و العمليات الحيوية بالنبات و تشريح النباتات الداخلي و الخارجي و فيه تشريح فأر بكونوا ١٠ تجارب تقريبا كل أسبوع تجربة في كويزات -من المانيوال دراستها و في دوسيات بتساعد زي دوسية أسيل الصباغ- حسب الدكتور غالبًا كل أسبوعين عليها ٣٠ و ميد ٣٠ و فاينال ٤٠