مواد قسم البستنة و تنسيق المواقع

نباتات الزينة متطلب اجباري تخصص لها متطلب سابق مبادىء إنتاج نباتي تهتم هذه المادة بدراسه نباتات الزينه المختلفة و الظروف المناخية التي تحتاجها وقد تتطرق المادة المسطحات الخضراء و الظروف التي تحتاجها.

.. الزراعة العضوية || الكل بيسمع كلمة اورجانيك وبخاف منها، ما بنلومكم المادة مرعبة شوي، بس عنا بالزراعة كلشي غير وبنكهة لطيفة خفيفة 😌🙌🏻 🍀 المادة اختياري بستنة ومحاصيل، مستواها سنة تالتة ربعة وبيعطيها د. عزمي أبو ريان 👨‍🏫 المادة بتحكي عن عدة طرق ممكن نستفيد منها بالزراعة بطريقة طبيعية جدا بدون استخدام المقويات الزراعية الكيميائية، وهالشي بخفف تملح التربة وبيعطي النبتة قوام قوي ومتين 🌳💪🏻 بندرس تفاصيل ممتعة عن كيف نزبط الكومة العضوية من حد ما ناخدها من بقايا ومخلفات الحيوانات والنباتات، لحد ما تتحول لسماد عضوي بنقدر نستفيد منه بطريقة صحية صحيحة 💫😎 تقسيمة العلامات 🙅🏻 30 فيرست 30 سكند 40 فاينل #اللجان_الطلابية #AgriTeam #أهل_الهمة

|| تربية نبات اجباري تخصص وبتفتحها ورثاك النبات بعطيها د. محمود القصراوي ومرات د. مهند العكش مادة سنة رابعة بتحكي عن الجينات للنبات وعن التربية للنبات من اول الزراعة وحتى الانتاج وكيفية رعاية والحفاظ على النبات بشكل عام الدكتور منذر كثير ممتاز والاسئلة كلها ضع دائرة 30 علامة ميد و30 على واجبات خلال الفصل و40 فاينل

مادة الاكثار بيعطيها د.حمود الدبعي ،عدد ساعاتها "ثلاث ساعات" بتحكي المادة عن طرق تكثير النبات بالطرق التقليدية والحديثة وإما أنه يكون الاكثار بذري أو خضري وكمان بتحكي عن جزئية التلقيح وتكوين البذرة وبتتكلم عن تأثير الهرمونات في تحفيز النمو أو تثبيطه سواء كان للبذور أو الجزء الخضري المستخدم للكثير وبالإضافة للبيئة اللازمة لعمليات الاكثار .

|| الزراعة المروية مادة اختياري تخصص ومتطلبها السابق الانتاج النباتي مادة سنة ثالثة بعطيها دكتور رمزي الشرايحة المادة بتحكي عن أساليب الري وحاجة النبات للماء وطرق الري بشكل عام واحتياجات الماء للمحاصيل امتحاناتها بتيجي مكس ، ضع دائرة وفراغات واذكر وعلل في بريزنتيشن على كل طالب عن اي محصول والاحتياجات المائية للمحصول الدكتور جيد نوعا ما ، والمادة بدها تركيز ومتابعك اول باول.

من المواد الاختيارية في تخصص البستنة و المحاصيل . وهي مادة سهلة تتناول مواضيع متعددة ، منها طبيعة البيئات المختلفة و كيفية تكامل العناصر البيئية مع بعضها البعض بالاضافة الى كيفية تكيف النبات و الحيوان و غيرها من الكائنات الحية في هذه البيئات المختلفة . يدرسها الدكتور صفوان الشياب و تقسم العلامات بين علامات المشاركة و ميد و فاينل أو مشاركة ، فيرست ،سكند ، فاينل .

المحاصيل العلفية || إجباري تخصص لقسم البستنة والمحاصيل، واختياري تخصص لقسم الإنتاج الحيواني 🐐🐮 بتحكي عن المحاصيل العلفية وطرق إنتاجها وأنواعها وأهميتها وكيف نتعامل معها 🍀 دكتورها الدكتور هاني الصعوب، دكتور متعاون ومتفاهم، وممتاز بالشرح، معظم الأسئلة بتيجي من شرح الدكتور، لهيك لازم تركزوا منيح بالمحاضرة 😏💪🏻 وتقسيمة العلامات 30 فيرست 30 سكند 40 فاينل

الحقلية || بقولوا الفرق بين الخضراوات والمحاصيل الحقلية، هو انه الخضراوات بتنزرع بمساحة أرض صغيرة إلى متوسطة نسبيًا، أما بالنسبة للمحاصيل الحقلية فهي بتنزرع لمساحات واسعة وشاسعة 👌🏻 بهاي المادة رح ندرس أكثر من محصول مثل القمح والشعير والذرة والشوفان والمحاصيل الللي بتشبههم، وبنقدر نفرق فيها بين المحاصيل بطريقة علمية صحيحة 🌾 المادة تعتبر من أهم مواد تخصص البستنة، وأزخمهم وأمتعهم ومستواها سنة ثالثة 👌🏻 فيها لاب بناخد فيه كيف مراحل النمو للمحصول، وبنشوف عينات كثيرة للمحاصيل ☝🏻

حصاد وتداول محاصيل || متطلبها السابق فيسيولوجيا المحاصيل، مستواها سنه ثالثه ساعاتها(3) ، وبيعطيها دكتور نهاد سميرات 👨🏻‍🏫 المادة بتحكي عن طرق حصاد وتخزين المحاصيل، وعن الظروف الملائمة للثمار 🍈 وكيفية الحفاظ على بُنية النبات وشكلها، وبتحكي عن أكثر من محصول وبتفصل في بطرق وأساليب تخزينها وظروفها اللي بتحتاجها خلال الحصاد والتخزين ⏳ الدكتور بطلب من كل طالب عرض بريزينتيشن عن أي محصول وكيفية حصاده ونخزنه وبكون عليه 5 علامات 5️⃣ وفي رحلة مع الدكتور على شركة الهشلمون وبطلب للرحلة تقرير عليه 5️⃣ علامات برضه وفي 20 على الكويزات وبضل امتحان الميد من 30 والفاينل أكيد من 40

جرار وآلات قوى زراعية || متطلبها السابق مبادئ المكننة، وهي إجباري للبستنة، مستواها سنة رابعة 👌🏻+☝🏻 دكتورها د. عيسى قموة الدكتور دقيق بالشرح وبإعطاء المادة، وامتحاناته سهلة للي دارس بس دقيقة جدا وبتيجي من نفس شرح الدكتور، بيهتم بالحضور والغياب وقادر يميز بسهولة الطالب اللي بيحضر عنده 😎 المادة تعتبر من أصعب المواد بالتخصص بس رهيبة كتير، ليش؟ لأنه فيها إسقاطات واقعية عالشاحنات والقطارات واشي بيقدر الواحد يتخيله بحياته العملية 🚌🚄 ولأنه المادة ما فيها لاب، فمعظم المادة بناخدها ب ورشة الجرارات قبال الكلية.. وفيها بيكون في أجزاء للماتور بناخد تفاصيلهم كلها، المادة بتشبه المكننة بس ع أوسع وأحلى أكتر ⚙🔧 العلامات فيها، 30 ميد، 30 كويزات وأعمال فصلية، و40 فاينل

الرسم والاظهار المعماري : متطلب اجباري تخصص لها متطلب سابق الرسم الهندسي والهندسه التصفيه ساعاتها (3) بتعطيها د. هبة الله استيتية توخذ المادة بالهندسة تهتم هذه المادة بتعليم الطالب مهارات جديدة. وتوسيع خيال الطالب بالرسم والتصاميم وتنقسم إلى قسمين قسم رسم يدوي وقسم باستخدام برنامج الاتوكاد .

نباتات زينة داخلية مادة تخصص اجبارية ساعتها (3) تتحدث عن نباتات الزينة الداخلية، انواعها، كيفية التعامل معها، طرق تسميدها، كيفية توفير الاضاءة الملائمة لها وكل ما يتعلق بها -المتطلب السابق للمادة: نباتات الزينة بيعطيها د.يحيى عثمان