مواد قسم التغذية والتصنيع الغذائي

المادة بتنزل مع دكتور عايد عمرو وفيها لاب ضمني. المادة باللغة العربية بس كبيرة وبدها متابعة، بنوخد بالمادة النظرية تعريف أساسي في علم الأغذية، وبنعرف مسببات فساد الأغذية وطرق منعها وطرق حفظها. و اللاب بينعمل فيه بعض المنتجات بهدف التحليل والاختبار زي المربى والمخلل. الاسئلة عادة بتيجي دوائر و T&F و essay و fill in the blank

صحة و سلامة الأغذية | Food hygiene : 🍐🍏 مستوى سنة ٤/٣ ، إجباري لكلا التخصصين، ٣ ساعات ،مع الدكتور حمزة القادري او الدكتور محمد صالح. بتحكي عن أهمية صحة وسلامة الأغذية، والآثار والمشاكل الي بتصير من عدم إتباع هاي الإجراءات سواء على الأكل نفسه أو العواقب الي بتصير على الجسم اذا استهلك أغذية ما تم إتباع إجراءات الهايجين فيها. بتحكي كمان عن أنواع البكتيريا والفايروسات الي أخدناها بالمايكرو بشكل مفصل مع الفروقات بينهم على أشكال جداول. غلبا بعتمدوا الدكتورين على النوتس، دكتور حمزة بيغطيها من خلال كتاب بينما دكتور محمد صالح سلايدات على شكل كتاب. الأسئلة essay , T&F , multiple choice

التشريعات و الرقابة الغذائية : بتنزل المادة مع دكتور باسم صوالحة ودكتولر عبد سليحات و هي إختياري تخصص ساعتين. بتشرح المادة عن القوانين و الأنظمة المتعلقة بالأغذية و كل الأطراف المشاركة في ال food chain مثل الشركات الي بتوفر المواد الخام لتصنيع الأغذية أو الشركات الي بتصدر أو بتستورد المواد الغذائية. و زي كل مواد د.مالك لازم تكتبوا وراه كل شي والدراسة بتعتمد على المكتوب بالدفتر و الإمتحان كل أسئلته essay المادة سهلة و مفيدة جداً.

تعبئة و تغليف الأغذية : 🗞 المادة مستوى سنة ثالثة| بتعطيها دائما دكتور غدير مهيار| ساعتين . الماده بتحكي عن أنواع التغليف المستخدم للأغذية و سيئتها ، مثلا بتحكي عن أنواع البلاستك وصفاته و لأي اغذية يستخدم للتغليف . المادة زخمة و بدها متابعة، دكتورة غدير بتعتمد ب أسئلتها على الدوائر و صح و خطأ و وتوصيل و ممكنessay .

نظم إدارة الجدوة"ISO" : متطلب سابق : لا يوجد مستوى سنه ٣/٤ | ساعتين بلاب ضمني | إجباري لكلا التخصصين|مع دكتور باسم . بتحكي عن نظم ضبط الجودة للأغذية المختلفة من ISO 9001 , ISO 22000 , HACCP و غيرهم. و بتركز على كيفية اتباع المصنع نظام من الانظمة السابقة، بمعايير محدده بحيث يحصل المصنع شهادة النظام المتبع. بتكون المادة يوم بالاسبوع و اللاب بيوم اخر، واللاب بكون تكملة لشرح المادة لا اكثر.

ضبط جودة الأغذية : إجباري تخصص ساعتين ، متطلبها السابق حفظ وتصنيع أغذية ، بتنزل المادة مع د. عبد سليحات و د. محمد صالح ، من أكتر المواد المفيدة بالتخصص و سهلة جداً بتشرح عن أنظمة ضبط الجودة المختلفة الي الها علاقة بالتصنيع الغذائي زي ال HACCP , İSO و كمان بتشرح الفرق بين ال quality control , quality assurance. الجزء الأكبر منها بشرح عن طرق أخذ العينات المختلفة من المنتج الغذائي و كيف بقدر أحدد إذا كان المنتج فوق مستوى الجودة المطلوب أو أدنى منه الامتحان دوائر و T & F و essay و سهل جداً تنزل علامة عالية.

تقييم الوضع التغذوي || متطلب سابق اساسيات علم تغذية مستوى سنة ثالثة المادة ٣ ساعات مع لاب ضمني، المادة لطيفة بتحكي عن تقييم الحالة التغذوية للمريض بشكل عام وايش بنستخدم قياسات بيوكيميائية وغذائية وكيف نحسب الوزن المثالي ومؤشر كتلة الجسم...، وبتحكي عن ال ncp وايش خطواتها بالتفصيل. المادة بالعادة بتنزل مع دكتورة هلا نوايسة و دكتورة ريما تيم و الدكتورة تمارا الموسى .

التغذية في مراحل الحياة: متطلب سابق تغذية الانسان والأيض مستوى سنة ثالثة ، ساعاتها 3ساعات. من امتع مواد التخصص واكثرهم فائدة المادة بتحكي عن مراحل حياة الانسان من مرحلة ما قبل الحمل وكيف نتعامل مع الام قبل وخلال وبعد الحمل لحد ما ينولد الطفل مرورا بالمراهقة والبلوغ وحتى نوصل لكبير السن والمادة باختصار بتشرح التغذية و أهم عناصرها في كل مرحلة من مراحل الانسان والأهم انها بتفتح باب واسع للنقاش والمعرفة بتعطي المادة دكتورة هديل الغزاوي

تغذية المجتمع: مادة إختياري ٣ ساعات لتخصص الحميات، كانت قلبل ما تنزل و اخر مره نزلت مع دكتوره ريما تيم، لكن هلا نازلة مع دكتوره تمارا و هي دكتوره جديدة. المادة مفيدة جداً ولكن زخمة و بدها حفظ، بتحكي عن كيفية تحديد المشاكل التغذوية اللي ممكن تواجه المجتمع بشكل كامل، ومن ثم وضع نظام أو تشريع حكومي مشان نقلل من هاي المشكلة أو عالأقل نحلها ب أكبر قدر، و هي بتشبه تماماً عمل منظمات الإغاثة حول العالم. المادة معها لاب و ممكن إنه الدكتوره تطلب منكم تستهدفوا فئة مجتمعية بتعاني من مشكلة معينة و تقترحوا حلول تبعاً لخطوات متعددة.

الحميات + تغذية الانسان والأيض مستوى سنة ثالثة هم عبارة عن مادتين كل وحدة 3ساعات المادة بتحكي عن التغذية العلاجية في حالات أمراض الأطفال والجهاز الهضمي والقلب والأوعية الدموية والسكري وبعض حالات الجراحة ودورها في ضبط الخلل الفسيولوجي والبيوكيميائي والسريري الذي يصيب الانسان وتطبيق مبادئ التغذية في هذه الحالات المادة بعطيها عدة دكاترة د. شذى حماد، د. حامد التكروري، د. ريما مشعل و حيدر الدومي تغذية علاجية 2: دراسة بعض الحالات المرضية ومعالجتها مع التركيز على دور التغذية في تأهيل المرضى خاصة في حالات الجراحة الرئيسية والأمراض الشديدة المختلفة.

الكيمياء الحيوية || أو الـ Biochemistry متطلب سابق كيميا عضوية مستوى سنة ٣ / ٤ المادة ٤ ساعات مع لاب ضمني شبيهة بمادة كيمياء ٢ بتتحدث عن الحموض والقواعد وثوابت الاتزان للحموض والقواعد الضعيفة، وكيفية حساب ال POH /Ph وتراكيز ال +OH /H. وبتركز المادة على عملية ال titration وللتغيرات الي بتصير للمحلول على حموضته عند اضافة المواد المختلفة. بالجزء العملي كل اللابات بتكون عملية ال titration والريبورتات بتكون منحنيات للتغير للمحلول بالاضافة انها بتتحدث عن البروتينات والانزيمات والكربوهيدرات والدهون. بتنزل المادة مع د. طارق الهندي و د. أسماء البكري.